أحلي البنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


بـنــات وبـس
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فوائد الحناء للشعر
تقرير مضحك Emptyالثلاثاء أكتوبر 02, 2012 12:59 pm من طرف جاسمين الصباح

» مريم بنت عمران
تقرير مضحك Emptyالأحد يناير 22, 2012 10:40 am من طرف روح الورد

» شوفو امنيات البنات
تقرير مضحك Emptyالأحد يناير 22, 2012 10:19 am من طرف روح الورد

» تقرير مضحك
تقرير مضحك Emptyالخميس ديسمبر 15, 2011 3:51 pm من طرف زائر

» تجنبى الأخطاء عند إزالة الماكياج
تقرير مضحك Emptyالإثنين نوفمبر 07, 2011 7:13 pm من طرف روح الورد

» التدخين ....
تقرير مضحك Emptyالجمعة أكتوبر 14, 2011 3:42 pm من طرف روح الورد

» 20 وصفه من الليمون لصحتك وجمالك
تقرير مضحك Emptyالخميس أكتوبر 13, 2011 2:25 pm من طرف روح الورد

»  جمبري بالصلصه
تقرير مضحك Emptyالإثنين أكتوبر 10, 2011 1:22 pm من طرف البندري

» ~ انشوده السبوع - انشاد مبدعات كراميش ~
تقرير مضحك Emptyالسبت سبتمبر 03, 2011 10:35 am من طرف روح الورد

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني

 

 تقرير مضحك

اذهب الى الأسفل 
كاتب الموضوعرسالة
روح الورد
Admin
روح الورد


المساهمات : 150
تاريخ التسجيل : 20/05/2011
العمر : 27
الموقع : https://tasneemstar4.7olm.org/u1

تقرير مضحك Empty
مُساهمةموضوع: تقرير مضحك   تقرير مضحك Emptyالخميس أغسطس 18, 2011 6:34 am


السلام عليكم
ازيكم يا زهراتى ان شاء الله بخير
النهرده جتلى حتة فوكيرة كده لقطها ع الطاير
ههههههه
نظرا للملل الى بنعانيه كلنا
انا جبت معايا نشرة نتسلى بيها
وهى نشرة اخبار شخصيتك الكرتونية
حتعرفو فيها اسرار الشخصيات وحياتهم الخاصة
وحتكون باللغه العمية عشان منزهقش ونمل كده
وكل حلقة حيكون معانا 4 شخصيات وكل واحد حيتكلم عن حاجه معينه
او شخصية يعرفها بردو معينه ومن كل مسلسل حختار نجم
يعنى اخبار الكرتون والشخصيات وكده يعنى يلا نبدا
احم احم
~~~~~~~~~~~~~~~~~~~~~~`
السلام عليكم ورحمة الله وبركاته
اهلا ومرحبا بكم فى النشرة الاخبارية الكرتونية
النهارده مشرفنا النجوم

_____ *______* ______* _______* _______
*
سام*من مسلسل الجاسوسات*
*
شفيق حبار*من مسلسل سبونج بوب سكوير بناتس*
*
جنجر فاوتلى*من مسلسل حكايات جنجر*
*
جينى*من مسلسل المراهقة الالية*
____ *_____* _____* _______* _________
ونبدأ
~~~~~~~~~~~~~~~~~~~~~
بسم الله الرحمن الرحيم
من مسلسل
*الجاسوسات*
معانا *سام *
*************************
%سام حتتكلم عن امها%
تقرير مضحك 17464558461205092371
تقول سام:
امى بتسبب ليا احباط كبير وخصوصا لما اكون موجوده مع اليكس وكلوفر
ولما اكون خارجه تسألنى رايحه فين الوقت متأخر وكأنى عيلة بتلعب فى الشارع.وفى يوم كانت حتكتشف انى جاسوسة يعنى معرفتش اقولها ايه
نبدا من الاول.
كنت موجوده فى البيت وامى كانت قاعده معايا وكلوفر واليكس كانوا بيتكلموا ففجاه جيرى اتصل وحكالنا عن مهمة وامى موجوده كل اما اجى انفد منها تقولى فى ايه يا حبيبتى انتى مالك النهرده اقولها مليش وفى الاخر جيرى لما اتدايق بعت ناس يشغلوها.
عارفين رغم انى بواجه الصعاب فى وجود امى بس بقول انها امى ست عظيمة عظيمة عظيمة اعظم عظمات الستات ههههههه

************************************************
شرفتنا نجمتنا المحبوبة سام وفعلا الامهات عظماء جدا
************************************************
من مسلسل
*
سبونج بوب سكوير بانتس*
معانا *شفيق حبار*
*********************************************
$شفيق حيتكلم عن كرهو لسبونج بوب او الاشاعه$
تقرير مضحك 737
يقول شفيق:
انا مش بكرة سبونج بوب بس فى حركات بيعملها انا مش بحبها
يعنى زى عندو حلزون وانا مبحبش الحلزونات لان الحيوان السريع ده
سبونج بوب بيقاطع شفيق :شفيق اسمو سريع مش السريع
شفيق:ايوة ايوة ممكن تسكت شوية
شفيق بيكمل:الحيوان سريع كل ما يشوفنى يهجم عليا بكل جرأة
وبردو انو خلانى اخترع رياضة صيد القناديل من غير ما اقصد وبيغصبنى على الانفجار فى وشو يعنى وكمان بيغيظنى ان هو موظف الشهر المميز ورغم ان جه فى الحلقة انى مش متغاظ بس سر مبينى وبينكم (انا حطأ منو)و
...............
**************************************************
شكرا يا شفيق حبار اسفين على مقطعتك بس الوقت ههه
بينى وبينكم (شخصية رزلة انا مكنتش عايزة استضيفو بس هو عرف راح لزقلى هنا هههههههه)

*************************************************
من مسلسل
*
حكايات جنجر*
معانا *جنجر فاوتلى*
************************************************
#جنجر حتتكلم عن كورتنى جربلينج#
تقرير مضحك P186108_n367896_cc_h1_aa

تقول جنجر:

اممممم اهلا بيكم
طبعا عارفينى انا حتكلم عن كورتنى وصحوبيتها ليا وكرهها لدودى وميسى
كورتنى دى فتاة جميلة وكنت اتمنى فى يوم انى ابقى زيها بس انا لما بفكر فى انها بتتجاهل دودى وميسى بحس انها بتتجاهلنى انا لانهم اصحابى وهى اصلا مصاحبة ميرندا واصلا ميرندا زى الديل بتاعها كل ما تروح مكان وراها انا بسراحه بقيت محبش كورتنى رغم انها بتحب تصاحبنى بس انا اضحى بكل شىء عشان الصداقة.
ودودى وميسى مش بيقولولى اى حاجه تخصها يعنى هما اينعم فى الحلقات ممثلين انهم بيحبوها ويتمنو انهم يصاحبوها وكمان يكلموها بس ده غير الحقيقة والكواليس ده مرة طلبت من دودى انها تجبلها كرسى تقعد عليه دودى زعلت جدا وانا رحت قلتلها انتى ازاى تجرأى انك تتكلمى بالطريقة دى مع اعز اصحابى ومن سعتها وانا مش بطيقها
.
**************************************************
فعلا الصحوبية فوق كل شىء نورتينا يا جنجر

**********************************************
من مسلسل
*
المراهقة الالية*
معانا*جينى عبقرينة*
*********************************************
@جينى حتتكلم عن الفرق بين حياتها مع الاليين وحياتها مع البشر@
تقرير مضحك Ijenny

تقول جينى:

امممممممم الفرق شاسع اوى يعنى حياتى مع الاليين مملة خالص مع
انهم بيفهمونى لكن انا بحب التغيير ومش معقولة نفس الحجات الى
اعملها النهرده اعملها بكرة ومفيش مشاكل وناس وعالم منعزل
اما البشريين فهما دول الى اقدر اندمج معاهم يعنى كل يوم بروح المدرسة
وبقابل تشيلدون وتاك وبراد يعنى الحياة متغيرة عندى حتى لو فيها مشاكل
ومثال ان الاليين مملين ومش بيحترموا البشر :
سمايتس اكبر مثال للشر والدمار
ولا تكسس اكبر شريرة عايزة تحصل عليا
بس بنتا ظريفة وبتحبنى وبحبها.

***************************************
نورتينا يا جينى وفعلا الحياة لازم يكون فيها تغيير

*************************************
الى هنا مشاهدينا نكون وصلنا لختام نشرتنا

الى اللقاء فى نشرة جديده وشخصيات جديده
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
اتمنى النشرة تكون عجبتكم واستمتعتوا وفكيتوا من الملل

يلا مش حوصيكم يا زهورات على:
الردود+التشجيعات عشان ننزل النشرة الجاية+وده الاهم التقييمات طبعا مش اهم من ردودكم ليا
الرجوع الى أعلى الصفحة اذهب الى الأسفل
https://tasneemstar4.7olm.org
?????
زائر




تقرير مضحك Empty
مُساهمةموضوع: ارد علي صديقتي    تقرير مضحك Emptyالخميس ديسمبر 15, 2011 3:51 pm

حلو كثير وبنتظار جديدك دووووووووم
الرجوع الى أعلى الصفحة اذهب الى الأسفل
 
تقرير مضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحلي البنات :: الروايات والقصص :: قصص الأطفال-
انتقل الى: